ഈരൂട് സെൻ്റ് ജോസഫ്സ് എൽ .പി സ്കൂളിൽ അംബ്രല്ല ദിനം ആഘോഷിച്ചു
കൂടത്തായി ഈരൂട് സെൻറ് ജോസഫ്സ് എൽ പി സ്കൂളിൽ കുട്ടികൾക്ക് വേറിട്ട അനുഭവം പകർന്ന് അംബ്രല്ല ദിനം ആഘോഷിച്ചു . വിവിധ നിറങ്ങളിൽ ഉള്ള കുടകളുമായി കുരുന്നുകൾ പരിപാടിയിൽ അണിനിരന്നു. പരിസ്ഥിതിക്ക് ദോഷകരമാവുന്ന പ്ലാസ്റ്റിക് കോട്ടുകളുടെ ഉപയോഗം അമിതമാകുന്ന ഈ കാലത്ത് കുടകളുടെ പ്രാധാന്യം വിളിച്ചോതാൻ ഈ പരിപാടി ഏറെ സഹായകമായി. പ്ലാറ്റിനം ജൂബിലി ആഘോഷത്തോട് അനുബന്ധിച്ച് അധ്യാപകരുടേയും രക്ഷിതാക്കളുടേയും പൂർവ്വ വിദ്യാർത്ഥികളുടേയും നേതൃത്വത്തിൽ വിവിധ പരിപാടികളാണ് ഈ വർഷം സ്കൂളിൽ നടക്കുന്നത്.