ദുരന്ത നിവാരണവും അതിജീവനവും : പരിശീലന ക്ലാസ്സ് നൽകി
കോടഞ്ചേരി : വേളംകോട് സെന്റ് ജോർജ്സ് ഹയർ സെക്കന്ററി സ്കൂളിൽ സ്കൗട്ട്സ് ആൻഡ് ഗൈഡ്സിന്റെയും, എൻ എൻ എസിന്റെയും നേതൃത്വത്തിൽ ദുരന്ത നിവാരണവും അതിജീവനവും എന്ന വിഷയത്തെ അടിസ്ഥാനമാക്കി കേരള സായ് ദുരന്തനിവാരണ ടീം കേരള കമാൻഡർ സിനീഷ് കുമാർ, സായി ടീം പ്രവർത്തകരായ നെജുമുദ്ധീൻ, ബിബിൻ, ഷാജി എന്നിവർചേർന്ന് പരിശീലന ക്ലാസ്സ് നയിച്ചു.
ആകസ്മികമായി ഉണ്ടാവുന്ന ദുരന്തങ്ങൾ, അക്രമങ്ങൾ, അത്യാഹിതങ്ങൾ, അപകടങ്ങൾ എന്നിവ മനോധൈര്യത്തോടെ നേരിടാനുതകുന്ന വിവിധതരം ടെക്നിക്കുകൾ , പ്രഥമശുശ്രൂഷ എന്നിവയെക്കുറിച്ചുള്ള പരിശീലനം ഏറെ ഗുണപ്രദമായെന്ന് സ്കൗട്ട്സ് ആൻഡ് ഗൈഡ്സ് വിദ്യാർത്ഥികളും, എൻ എൻ എസ് വോളണ്ടിയേഴ്സും അഭിപ്രായപ്പെട്ടു. മാനേജ്മെന്റ് പ്രതിനിധി സി. സുധർമ്മ SIC, സ്കൗട്ട്സ് ആൻഡ് ഗൈഡ്സ് അധ്യാപകരായ ജിൻസ് ജോസ്, ഗ്ലാഡിസ് പി പോൾ, എൻഎസ്എസ് പ്രോഗ്രാം ഓഫീസർ സ്മിത കെ , പ്രിൻസിപ്പൽ, അധ്യാപകർ, അനധ്യാപകർ എന്നിവർ നേതൃത്വം നൽകി.