ഓവറോൾ ചാമ്പ്യൻഷിപ്പ് നേടിയ വിദ്യാർത്ഥികളെ ആദരിച്ചു
കോടഞ്ചേരി : വേളങ്കോട് സെന്റ് ജോർജസ് ഹയർ സെക്കൻഡറി സ്കൂൾ ഹയർ സെക്കന്ററി വിഭാഗത്തിൽ സബ് ജില്ല ശാസ്ത്രമേളയിൽ ഓവറോൾ ചാമ്പ്യൻഷിപ്പ് കരസ്ഥമാക്കി സ്കൂളിന്റെ അഭിമാനമായ വിദ്യാർത്ഥികളെ സ്കൂൾ അസംബ്ലിയിൽ ആദരിച്ചു.
താമരശ്ശേരി സബ് ജില്ലാ ശാസ്ത്രമേളയിൽ ഹയർ സെക്കൻഡറി വിഭാഗത്തിൽ പ്രവർത്തിപരിചയമേളയിലും ഗണിതശാസ്ത്രമേളയിലും സ്കൂൾ മികവ് പുലർത്തിയാണ് ഓവറോൾ ചാമ്പ്യൻഷിപ്പിന് അർഹരായത്.
വിദ്യാത്ഥികളുടെ നൈപുണ്ണ്യമികവും രക്ഷിതാക്കളുടെ നിർലോഭമായ പിന്തുണയും അദ്ധ്യാപകരുടെ ചിട്ടയായ പ്രവർത്തനവുമാണ് സ്കൂളിനെ വിജയകിരീടത്തിലേയ്ക്ക് നയിച്ചത്. തുടർന്ന് നടന്ന ജില്ലാ ശാസ്ത്രമേളയിലും ഉന്നത വിജയം കൈവരിക്കുവാൻ വിദ്യാർത്ഥികൾക്ക് കഴിഞ്ഞു.
വിജയികളായ വിദ്യാർത്ഥികളെ സ്കൂൾ രക്ഷാകർതൃ സമിതിയും, മാനേജ്മെന്റും അധ്യാപകരും വിദ്യാർത്ഥികളും അഭിനന്ദനങ്ങൾ അറിയിച്ചു