സോഫ്റ്റ് ബേസ്ബോൾ സംസ്ഥാന ചാമ്പ്യൻഷിപ്പ് കോഴിക്കോടും മലപ്പുറവും ചാമ്പ്യൻമാർ
കോടഞ്ചേരിയിൽ ഇന്നു സമാപിച്ച സംസ്ഥാന ജൂനിയർ സോഫ്റ്റ് ബേസ്ബോൾ ചാമ്പ്യൻഷിപ്പിൽ വനിതാ വിഭാഗത്തിൽ വയനാടിനെതോൽപ്പിച്ച് കോഴിക്കോട് ചാമ്പ്യൻമാരായി. തിരുവനന്തപുരത്തെ തോൽപ്പിച്ച് കോട്ടയം മൂന്നാം സ്ഥാനം നേടി.
പുരുഷ വിഭാഗത്തിൽ തൃശൂരിനെ തോൽപ്പിച്ച് മലപ്പുറം ചാമ്പ്യൻമാരായി. കോഴിക്കോടിനെ തോൽപ്പിച്ച് ഏർണാകുളം മുന്നാം സ്ഥാനം നേടി.വനിതാ വിഭാഗത്തിൽ മികച്ച കളിക്കാരിയായി കോഴിക്കോട് ജില്ലയുടെ അവിഷാ സതീഷിനെയും, പുരുഷ വിഭാഗത്തിൽ മികച്ച പിച്ചറായി തൃശ്ശൂർ ജില്ലയുടെ മുഹമ്മദ് യാസിർനെയും, മികച്ച കളിക്കാരനയായി മലപ്പുറം ജില്ലയുടെ ശ്രീഹരി റ്റി കെയെയും ഭാവിയുടെ വാഗ്ദാനമായി മലപ്പുറം ജില്ലയുടെ കാർത്തിക്കിനെയും തിരഞ്ഞെടുത്തു.
ആൺകുട്ടികളുടെ വിഭാഗം വിജയികൾക്ക് കോടഞ്ചേരി സർവ്വീസ് സഹകരണ ബാങ്ക് പ്രസിഡണ്ട് ഷിബു പുതിയേടത്ത്, ട്രോഫികൾ നൽകി.
പെൺകുട്ടികളുടെ വിഭാഗം വിജയികൾക്ക് ഇൻ്റർനാഷണൽ ഹാൻഡ്ബോൾ താരം റോബർട്ട് അറക്കൽ ട്രോഫികൾ നൽകി. ചടങ്ങിൽ സംസ്ഥാന സെക്രട്ടറി എഡ്വേർഡ് പുതിയേടത്ത്, ട്രഷറർ ഷിജോ സ്കറിയ,കലിക്കറ്റ് യൂണിവേഴ്സിറ്റി കോച്ച് ഹംസ എ, വിപിൻ സോജൻ, എന്നിവർ പ്രസംഗിച്ചു. ഫെബ്രുവരി മൂന്നാം ആഴ്ചയിൽ മദ്ധ്യപ്രദേശിൽ നടക്കുന്ന നാഷണൽ ചാമ്പ്യൻഷിപ്പിൽ പങ്കെടുക്കുവാനുള്ള കേരള ടീമിനെ ഇതിൽ നിന്നും തിരഞ്ഞെടുത്തു.
കോടഞ്ചേരിയിലെ വാർത്തകളും വിവരങ്ങളും ഏറ്റവും ആദ്യം നിങ്ങളിലേക്ക് എത്തുവാൻ കോടഞ്ചേരി ന്യൂസ് വാട്സാപ്പ് ഗ്രൂപ്പിൽ അംഗമാവൂ.: https://chat.whatsapp.com/FOZWMk3VRfXDrODLoC0OiN