സോഫ്റ്റ്ബേസ്ബോൾ മലപ്പുറവും, ആലപ്പുഴയും ചാമ്പ്യൻമാർ
കോടഞ്ചേരി:കോടഞ്ചേരി സെൻ്റ് ജോസഫ് സ്റ്റേഡിയത്തിൽ സമാപിച്ച സംസ്ഥാന യൂത്ത് സോഫ്റ്റ്ബേസ്ബോൾചാമ്പ്യൻഷിപ്പിൽ പുരുഷ വിഭാഗത്തിൽ മലപ്പുറവും, വനിതാ വിഭാഗത്തിൽ ആലപ്പുഴയും ചാമ്പ്യൻമാരായി.പുരുഷ വിഭാഗത്തിൽ പത്തനംതിട്ട രണ്ടാം സ്ഥാനവും, ഏറണാകുളം മൂന്നാം സ്ഥാനവും നേടി. വനിതാ വിഭാഗത്തിൽ കാസർകോട് രണ്ടാം സ്ഥാനവും, കോഴിക്കോട് മൂന്നാം സ്ഥാനവും നേടി.
അസോസിയേഷൻ സംസ്ഥാന പ്രസിഡണ്ട് ഗിരീഷ് ജോൺ സമാപന സമ്മേളനം ഉദ്ഘാടനം ചെയ്തു. കോടഞ്ചേരി ഗ്രാമപഞ്ചായത്ത് മെമ്പർ വാസുദേവൻ ഞാറ്റുകാലയിൽ അദ്ധ്യക്ഷത വഹിച്ച ചടങ്ങിൽ സംസ്ഥാന അസോസിയേഷൻ സെക്രട്ടറി പി.എം എഡ്വേർഡ്, റോബർട്ട് അറക്കൽ, ഷിജോ സ്കറിയ, ലിസ്സി ചാക്കോച്ചൻ, ചിന്ന അശോകൻ, വിപിൻ സോജൻ, കെ. ഹംസ എന്നിവർ പ്രസംഗിച്ചു.
പുരുഷവിഭാഗത്തിൽ മികച്ച പിച്ചറായി കണ്ണൂരിൻ്റെ കെ.അജേഷ്, മികച്ച ക്യാച്ചറായി മലപ്പുറത്തിൻ്റെ മുഹമ്മദ് യാസീർ, മികച്ച കളിക്കാരനായി പാലക്കാടിൻ്റെ ബി.എസ് ആനന്ദ്, വനിതാ വിഭാഗത്തിൽ മികച്ച പിച്ചറായി അലപ്പുഴയുടെ ഡി. കുഷ്ണനന്ദ, മികച്ച ക്യാച്ചറായി കെല്ലത്തിൻ്റെ പി. പ്രവീണ, മികച്ച കളിക്കാരിയായി കാസർക്കോടിൻ്റെ സി. എച്ച് ശ്രാവ്യ എന്നിവരെ തിരഞ്ഞെടുത്തു.